Ədliyyə naziri: Manisadakı hadisəni törədən gənclə birlikdə onun valideynləri də saxlanılıblar

22.09.2026 [13:49]
Çap et
A⁺ A^-

İstanbul, 22 sentyabr, AZƏRTAC

Türkiyənin Manisa vilayətinin Turgutlu rayonunda yerləşən İnci Üzmez Peşə və Texniki Anadolu Liseyinin yaxınlığında baş verən silahlı insident nəticəsində 2-si ağır olmaqla 11 şagird yaralanıb.

AZƏRTAC xəbər verir ki, bu barədə Türkiyənin ədliyyə naziri Akın Gürlek açıqlayıb.

Nazir bildirib ki, hadisə ilə bağlı Turgutlu Respublika Baş Prokurorluğu tərəfindən genişmiqyaslı araşdırma başladılıb. Hücumu törətdiyi bildirilən gənc qısa müddətdə saxlanılıb. Onunla yanaşı, valideynləri və hadisədə istifadə edilən silahın sahibi olan babası da nəzarətə götürülüb.

Hadisə ilə bağlı açıqlama verən Türkiyənin səhiyyə naziri Kemal Memişoğlu isə 11 yaralının müalicəsinin xəstəxanalarda davam etdiyini açıqlayıb.

_{Günel Karatepe}

_{AZƏRTAC-ın xüsusi müxbiri}

_İstanbul