Pakistanda tikilməkdə olan binanın konstruksiyalarının uçması nəticəsində 5 nəfər ölüb
Bakı, 9 mart, AZƏRTAC
Pakistanın Kəraçi şəhərində tikilməkdə olan binanın konstruksiyalarının uçması nəticəsində 5 nəfər ölüb, 1 fəhlə yaralanıb.
AZƏRTAC “DawnNews” telekanalına istinadla xəbər verir ki, yaralanan fəhlə xəstəxanaya çatdırılıb və vəziyyətinin ağır olduğu bildirilir. Kəraçi polisinin rəisi İftixar Əli Şəlvaninin sözlərinə görə, insidentlə bağlı cinayət işi açılıb və tikinti şirkətinin təhlükəsizlik qaydalarına əməl edib-etməməsi araşdırılır. O əlavə edib ki, bu hadisə qəzadan çox, cinayətə oxşayır.
Bölmənin digər xəbərləri
