PAKİSTANIN BAŞ NAZİRİ ÖLKƏSİNİN İŞ ADAMLARI İLƏ GÖRÜŞMÜŞDÜR
AZƏRTAC xəbər verir ki, Bakıda səfərdə olan Pakistanın Baş naziri Şövkət Əziz mayın 5-də Pakistan Milli Bankının Bakı filialında ölkəsinin Azərbaycanda fəaliyyət göstərən iş adamları və diplomatları ilə görüşmüşdür. İş adamları Azərbaycanda biznes fəaliyyəti üçün yaradılmış şəraitdən razılıqlarını bildirmiş, burada onlara əsil dostluq, qardaşlıq münasibəti göstərildiyini vurğulamışlar.
Baş nazir görüş iştirakçılarına Azərbaycanda hər iki ölkənin mənafeyinə xidmət edən işgüzar fəaliyyətlərini genişləndirməyi tövsiyə etmiş, onun bu səfərinin dövlətlərimiz arasında mehriban münasibətlərin dərinləşməsinə müsbət təsir göstərəcəyinə ümidvar olduğunu bildirmişdir.
Bölmənin digər xəbərləri
