Pandemiya effekti: Macarıstanda icarə üçün boş qalmış daşınmaz əmlakın sayı artır
Budapeşt, 24 aprel, AZƏRTAC
Macarıstanda icarə üçün boş qalmış daşınmaz əmlakın sayının artması müşahidə olunur.
AZƏRTAC ölkədə daşınmaz əmlak bazarının monitorinqinin nəticələrinə əsasən xəbər verir ki, ticarət mərkəzləri boşalıb, potensial icarədarlar renta tariflərinin azaldılmasından faydalanmağa çalışırlar.
Ötən il tələbat daim artıb, istifadəsiz yerlərin payı azalıb, Budapeştin ticarət mərkəzləri praktiki olaraq tam gücü ilə işləyib, 2019-cu ildə ticarət üçün daşınmaz əmlak bazarı faktiki olaraq pik həddinə çatıb.
Bu gün geriyə proses müşahidə olunur. Otellər bağlanıb, vətəndaşların yerdəyişməsinin və ticarət məntəqələrinin iş rejiminin məhdudlaşdırılması kiçik kommeriya daşınmaz əmlak sektoruna dərhal təsir göstərib. Təchizat problemləri, zavodların daynması da bazarın bu sektoruna təsir edib. Yaranmış vəziyyətin uzunmüddətli perspektivdə bazara nə dərəcədə ağır təsir göstərəcəyi böyük sual doğurur. Mehmanxana sektorunda investisiya layihələri ya dayandırılıb, ya da təxirə salınıb, pərakəndəsatış ticarət dövriyyəsində aşkar azalma müşahidə olunur. Daşınmaz əmlak bazarında şirkətlərin çoxu əməkdaşlarını distant iş rejiminə keçiriblər və bu da dərhal qiymətlərə təsir göstərib. İcarədarlar isə bir çox hallarda kommersiya daşınmaz əmlak sahiblərindən icarə tariflərinə dəyişikliklər edilməsini xahiş edirlər.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
