Paytaxtda bəzi marşrut xətlərinin hərəkət sxemi müvəqqəti dəyişdirilib

04.03.2021 [18:51]
Çap et
A⁺ A^-

Bakı, 4 mart, AZƏRTAC

Martın 4-də Xudu Məmmədov küçəsi ilə Vunqtau küçəsinin kəsişməsindən “Həzi Aslanov” metro stansiyası istiqamətində aparılan təmir-bərpa işləri ilə əlaqədar olaraq nəqliyyat vasitələrinin hərəkətinə məhdudiyyət tətbiq edilib.

Bakı Nəqliyyat Agentliyindən AZƏRTAC-a bildirilib ki, bu səbəbdən M1, M2, M6 və 104 nömrəli müntəzəm marşrutların hərəkət sxemləri aşağıda göstərilən qaydada müvəqqəti dəyişdirilib.

- M2 nömrəli ekspres marşrut “Həzi Aslanov” metro stansiyası istiqamətində “Ukrayna dairəsi” - Vunqtau küçəsi - Sadıqcan küçəsi - Xudu Məmmədov küçəsi - Məhəmməd Hadi küçəsi daha sonra öz hərəkət sxemi üzrə;

- M1, M6 nömrəli ekspres marşrut “Həzi Aslanov” metro stansiyası istiqamətində “Ukrayna dairəsi” - Məhəmməd Hadi küçəsi geriyə dönmə manevri etməklə, daha sonra öz hərəkət sxemi üzrə;

- 104 nömrəli müntəzəm marşrut “Həzi Aslanov” metro stansiyası istiqamətində Gəncə prospekti - Vunqtau küçəsi - “Ukrayna dairəsi” - Məhəmməd Hadi küçəsi geriyə dönmə manevri etməklə, daha sonra öz sxemi üzrə hərəkəti müəyyən edilib.

Paytaxtda bəzi marşrut xətlərinin hərəkət sxemi müvəqqəti dəyişdirilib

MÜƏLLİFLƏ ƏLAQƏ

Bölmənin digər xəbərləri