Peru dünyanın ikinci ən böyük qalay istehsalçısı olub
Madrid, 28 fevral, AZƏRTAC
2021-ci ildə Peru qalay istehsalında dünyada ikinci yeri tutub.
AZƏRTAC xəbər verir ki, Beynəlxalq Qalay Assosiasiyasının (VTN) məlumatına görə, emal həcmi 31 min 843 ton olan Perunun “Minsur” mədənçıxarma şirkəti istehsalda 27 faiz artımla dünya üzrə ikinci qalay tədarükçüsü olub. Beləliklə, Peru ölkə üçün tarixi göstəriciyə nail olub.
Dünyanın ən böyük qalay istehsalçısı və ixracatçısı olan Çinin Yunnan Tin şirkəti 82 min ton istehsal gücü ilə hakim mövqeyini qoruyub.
Ümumilikdə, dünya üzrə qalay istehsalının ötən illə müqayisədə 11 faiz artaraq 378,4 min tona çatdığı təxmin edilir.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
