Peyk texnologiyalarının nəqliyyatın idarə olunmasında rolu müzakirə olunub
Bakı, 16 oktyabr, AZƏRTAC
“Azərkosmos”un təşkilatçılığı ilə artıq ikinci ildir ki, oktyabrın 4-dən 10-dək Azərbaycanda Ümumdünya Kosmos Həftəsi (World Space Week) keçirilir. Bu il Ümumdünya Kosmos Həftəsi çərçivəsində “Azərkosmos”un və “Profity Academy”nin birlikdə təşkil etdiyi “Nəqliyyatın idarə olunmasında peyk texnologiyasının rolu” seminarı keçirilib.
AZƏRTAC xəbər verir ki, seminarda nəqliyyatın tənzimlənməsi üçün lazım olan alətlər, datalar və texnologiyalar müzakirə olunub. Eyni zamanda, peyk texnologiyasının problemin həllində rolu əhatə olunub.
Qeyd olunub ki, 2022-ci ildən Azərbaycanda Ümumdünya Kosmos Həftəsinin koordinasiyasını həyata keçirir və ötən il “Azərkosmos”un tərəfdaşları ilə birgə bu həftə ərzində “Kosmos və dayanıqlılıq” mövzusu altında onlayn sual-cavab sessiyaları, universitetlərdə mühazirələr, astronavt ilə görüş, məktəblilər üçün ustad dərslər və netvörkinq tədbirləri daxil olmaqla 19 tədbir təşkil edilib. Bu il isə “Kosmos və sahibkarlıq” mövzusuna həsr olunan Ümumdünya Kosmos Həftəsi ərzində 25-dən çox tədbirin həyata keçirilməsi planlaşdırılır.
Bölmənin digər xəbərləri
