Pit Heqset Pentaqonun yeni rəhbəri vəzifəsinə təsdiqlənib
Vaşinqton, 25 yanvar, AZƏRTAC
Pit Heqset ABŞ-ın növbəti müdafiə katibi seçilib. AZƏRTAC-ın məlumatına görə, Senatda keçirilən səsvermə zamanı o, minimum səslə bu vəzifəyə təyin olunub. Belə ki, 50 səs lehinə, 50 səs əleyhinə olan səsvermədə bərabərliyi vitse-prezident Ceyms Devid Vensin verdiyi son səs pozub.
Bu hadisə ABŞ tarixində ikinci dəfə baş verir. 2017-ci ildə də vitse-prezident Mayk Pens Betsi Devosun təhsil departamentinə təsdiqlənməsi üçün keçirilən səsvermədə bərabərliyi onun xeyrinə dəyişmişdi.
Qeyd edək ki, səsvermə Pentaqonun yeni rəhbərinə qarşı içki aludəçiliyi və qadınlara qarşı aqressiv davranış iddiaları fonunda baş tutub.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
