Polşa polisi etirazçıların traktorlarını Varşavaya buraxmır
Bakı, 9 yanvar, AZƏRTAC
Polşa polisi “Merkosur” ölkələri ilə Avropa İttifaqının (Aİ) ticarət müqaviləsinə etiraz edən fermerlərin traktorlarını Varşavaya buraxmır.
AZƏRTAC Polşa mediasına istinadla xəbər verir ki, bu gün Varşavanın mərkəzində fermerlərin böyük etiraz aksiyası planlaşdırılır. Onlar Avropa İttifaqına keyfiyyətsiz qida axınından ehtiyatlanaraq, “Merkosur” müqaviləsinin dayandırılmasını tələb edirlər. “Əgər traktorları saxlamağa davam etsələr, Varşavanın girişində yollar bağlana bilər. Bu, onlar üçün daha pis olacaq”, - deyə aksiyaya traktoru ilə gələn fermerlərdən biri bildirib.
Xatırladaq ki, 2025-ci ilin dekabrında Avropa Komissiyasının rəhbəri Ursula Fon der Lyayen Aİ liderlərinin “Merkosur” ölkələri ilə azad ticarət müqaviləsinin imzalanmasını ən azı yanvar ayınadək təxirə saldığını açıqlamışdı. Müqavilə üzrə təkrar səsvermə 2026-cı il yanvarın 9-na təyin olunub.
Bölmənin digər xəbərləri
