Polşa səfiri: Mədəni tədbirlər xalqlar arasında qarşılıqlı anlaşmanı gücləndirir
Bakı, 18 fevral, Günel Alıyeva, foto Səfiyar Məcnun, AZƏRTAC
Bu cür mədəni tədbirlər xalqlar arasında qarşılıqlı anlaşmanın möhkəmləndirilməsinə və dialoqun inkişafına əhəmiyyətli töhfə verir. Onlar sərhədlərin hər iki tərəfində universal dəyərlərin daha dərindən anlaşılmasına kömək edir və mədəni diplomatiyanın təşviqində mühüm rol oynayır.
Bu barədə Polşanın Azərbaycandakı səfiri Pavel Radomski “Bağçada güllər” sərgisinin açılışı çərçivəsində AZƏRTAC-ın müxbirinə verdiyi müsahibədə bildirib.
Sərgidə nümayiş olunan geyimlərə gəldikdə, diplomat qeyd edib ki, bu geyimlər illər əvvəl formalaşmış ənənələri əks etdirir və keçmiş nəsillərin gözəllik və estetika haqqında təsəvvürlərini çatdırır.
Onun sözlərinə görə, Polşa, həmçinin Azərbaycan da daxil olmaqla bir çox ölkələr zəngin regional müxtəlifliyi ilə seçilir: hər bir bölgənin özünəməxsus üslubu, tarixi və xüsusi cazibəsi var ki, bu da milli geyimlərdə aydın şəkildə əks olunur.
Bölmənin digər xəbərləri
