Prezident İlham Əliyev 30 illik həsrətə son qoyaraq xalqımıza tarixi Zəfər bəxş etdi
Ağcabədi, 24 dekabr, AZƏRTAC
Prezident İlham Əliyev 30 illik həsrətə son qoyaraq xalqımıza tarixi Zəfər bəxş etdi. İşğal altında qalan torpaqlarımız onun qətiyyəti, dönməzliyi və müdrikliyi sayəsində azadlığa qovuşdu, Qarabağ və Şərqi Zəngəzura yeni nəfəs, yeni həyat gəldi.
Bu sözləri AZƏRTAC-ın bölgə müxbirinə Laçın rayon ziyalısı Xaliq Musayev deyib.
O bildirib ki, Azərbaycan 44 günlük Vətən müharibəsində şanlı Zəfərə Lider-Xalq birliyi, dövlətimizin başçısının siyasi məharəti, sərkərdəlik bacarığı, ölkəmizin iqtisadi gücü və ən başlıcası isə xalqın öz Liderinə, Müzəffər Ali Baş Komandana olan sonsuz inamı və məhəbbəti nəticəsində nail oldu.
“Biz Prezidentimizlə fəxr edir, onunla qürur duyuruq. Torpaqlarımızın işğaldan azad edilməsinə, alnımıza vurulmuş “köçkün” damğasının silinməsinə görə Prezidentimizə minnətdarıq. Bu gün işğaldan azad edilmiş Qarabağda və Şərqi Zəngəzurda böyük bərpa-quruculuq işləri aparılır. Bu, bizi sevindirir. 30 ilə yaxın işğal altında qalan torpaqlarımızın azad edilməsinə və erməni vandallarının xarabalığa çevirdiyi şəhər və kəndlərimizdə aparılan quruculuq işlərinə görə dövlətimizin başçısına minnətdarlığımı bildirir, ona Allahdan cansağlığı və gördüyü böyük işlərdə uğurlar arzulayıram” - deyə Laçın sakini bildirib.
Bölmənin digər xəbərləri
