“Prezident kuboku-2023” Avropa Kanoe Assosiasiyasının təqvim planına daxil edilib
Bakı, 27 yanvar, AZƏRTAC
Azərbaycan Kanoe və Avarçəkmə Federasiyası (AKAF) daha bir uğura nail olub.
AZƏRTAC AKAF-a istinadla xəbər verir ki, federasiyanın mayın 4-7-də Suqovuşan və Mingəçevirdə təşkilini planlaşdırdığı Ümummilli Lider Heydər Əliyevin anadan olmasının 100 illik yubileyinə həsr olunan “Prezident kuboku-2023” beynəlxalq reqatası ilk dəfə Avropa Kanoe Assosiasiyasının təqvim planına daxil edilib. Assosiasiyanın rəsmi internet səhifəsinin xəbər bölməsində yarışla bağlı məlumat da dərc olunub.
Xatırladaq ki, AKAF-in ötən il oktyabrın 21-23-də təşkil etdiyi “Mingəçevir reqatası” da Azərbaycan avarçəkmə tarixində ilk dəfə Avropa Kanoe Assosiasiyasının təqvim planında yer almışdı.
Bölmənin digər xəbərləri
