Proqram sistemlərinin analizi və sintezi problemləri tədqiq olunur
Bakı, 25 dekabr, AZƏRTAC
Elm və Təhsil Nazirliyinin İnformasiya Texnologiyaları İnstitutunda proqram mühəndisliyi və proqram sistemlərinin analizi və sintezi problemləri tədqiq olunur.
AZƏRTAC xəbər verir ki, bu barədə institutun Elmi şurasının növbəti iclasında şöbə müdiri fizika-riyaziyyat üzrə fəlsəfə doktoru, dosent Tofiq Kazımov məlumat verib.
Şöbə müdiri bildirib ki, proqram sistemlərinin etibarlılığının qiymətləndirilməsi üçün metod işlənilib, onların keyfiyyət göstəriciləri araşdırılıb. O, “İntellektual proqram sistemlərinin sintezi üçün metod və modellərin işlənilməsi” mövzusu üzrə log-fayllardan alınan verilənlərin klasterləşdirilməsi üçün metodun, həmçinin bulud sistemlərinin platformasında paylanmış strukturlu proqram sistemlərinin etibarlılığının yüksəldilməsi üçün metodun işlənildiyini diqqətə çatdırıb.
Tofiq Kazımovun sözlərinə görə, cari ildə proqram sistemlərinin sınağında standartların araşdırılması və tətbiqi, eləcə də proqram sistemlərinin sınağı üçün metodların araşdırılması ilə bağlı tezislər və məqalə hazırlanıb.
Bölmənin digər xəbərləri
