Qadın voleybol komandaları arasında keçirilən Super Liqa yarışlarına yekun vurulmuşdur
Bakı, 7 may (AZƏRTAC). Mayın 7-də qadın voleybol komandaları arasında Super Liqa yarışları “Dördlər finalı”nın sonuncu turunun oyunları keçirilmişdir.
AZƏRTAC xəbər verir ki, Bakı İdman Sarayında əvvəlcə “İqtisadçı” klubu “Lokomotiv”i qəbul etmişdir. Qarşılıqlı hücumlar şəraitində keçən oyun “İqtisadçı”nın 3:1 (20:25, 25:22, 26:24, 25:22) hesablı qələbəsi ilə başa çatmışdır.
Növbəti oyun “Rabitə” və “Azərreyl” komandaları arasında keçirilmişdir. Səkkizinci turda çempionluğunu təmin etmiş “Rabitə” bu oyunda rəqibinə 3:2 (15:25, 21:25, 25:23, 25:22, 15:9) hesabı ilə qalib gəlmişdir.
Turnir cədvəlində 16 xalla ilk pillədə qərarlaşan “Rabitə” Super Liqa yarışlarının qalibi olmuşdur. “Azərreyl” gümüş, “İqtisadçı” isə bürünc medala sahib olmuşdur.
Bölmənin digər xəbərləri
