Qadınlar arasında voleybol üzrə Avropa çempionatı: Azərbaycan millisi finalın bir addımlığında
Bakı, 30 sentyabr, AZƏRTAC
Sentyabrın 30-da qadın voleybolçular arasında Avropa çempionatında yarımfinal mərhələsinin oyunları keçiriləcək.
AZƏRTAC xəbər verir ki, Bakıda, Milli Gimnastika Arenasında keçiriləcək ilk qarşılaşmada meydana Azərbaycan və Niderland voleybolçuları çıxacaqlar. Oyun saat 18:00-da başlayacaq.
Yarımfinal mərhələsinin digər matçı saat 20:30-da start götürəcək. Türkiyə yığması güclü Serbiya kollektivi ilə finala vəsiqə uğrunda yarışacaq.
Xatırladaq ki, dörddəbir final mərhələsinin sentyabrın 29-da keçirilmiş oyunlarında Azərbaycan voleybolçuları Almaniya təmsilçilərinə, Türkiyə millisi isə Rusiya yığmasına 3:0 hesabı ilə qalib gələrək yarımfinala yüksəliblər. Dörddəbir final mərhələsinin ilk günündə isə Niderland millisi İtaliyanı, Serbiya kollektivi isə Belarus kollektivini mübarizədən kənarlaşdırıb.
Bölmənin digər xəbərləri
