QADINLARDAN İBARƏT OTÜSTÜ XOKKEY KOMANDALARI ARASINDA ÖLKƏ ÇEMPİONU MƏLUM OLMUŞDUR
AZƏRTAC xəbər verir ki, ölkə çempionatının güclülər dəstəsində çıxış edən qadınlardan ibarət otüstü xokkey komandaları arasında 10-cu turun oyunlarına yekun vurulmuşdur.
Qarşılaşmalarda “Atasport-2” “Təhsil” (Sumqayt) klubunu 5:0 hesabı ilə məğlub etmişdir.
Turun digər böyük hesablı qələbəsi isə “Bakı” - “Şahdağ” (Qusar) görüşündə qeydə alınmışdır. “Bakı” 7:0 hesabı ilə qalib gəlmişdir.
Bu nəticələrdən sonra hərəyə 24 xal toplamış “Bakı” və “Atasport-2” komandaları arasında qızıl oyun keçirilmişdir. Bu həlledici görüşdə 2:1 hesabı ilə qalib gələn “Atasport-2” klubu ölkə çempionu adını qazanmışdır.
Bölmənin digər xəbərləri
