“Qarabağ” - “Kəpəz” matçında qalib son dəqiqələrdə müəyyənləşib
Bakı, 25 fevral, AZƏRTAC
Fevralın 25-də futbol üzrə Azərbaycan Premyer Liqasının XVI turunda “Qarabağ" klubu doğma meydanda “Kəpəz"i qəbul edib.
AZƏRTAC xəbər verir ki, Azərsun Arenada keçirilən görüşün ilk hissəsində qapılara qol vurulmayıb.
Meydan sahibləri matçın ikinci hissəsində hesabı açıblar. Görüşün 85-ci dəqiqəsində Riçard Almeyda fərqlənib.
Qeyd edək ki, turnir cədvəlinə 44 xalla “Qarabağ” komandası başçılıq edir. “Qəbələ” 35 xalla ikinci, “Zirə” 32 xalla üçüncü, “Sumqayıt” 27 xalla dördüncü, “Neftçi” 20 xalla beşinci yeri tutur. Sonrakı yerlərdə “Səbail” (17 xal), “Keşlə” (12 xal) və “Kəpəz” (7 xal) qərarlaşıb.
Bölmənin digər xəbərləri
