Qaradağda karantin rejimi qaydalarını pozan şəxslər cərimələniblər
Bakı, 31 avqust, AZƏRTAC
Qaradağ rayonu Sahil qəsəbəsi B.Əliyev küçəsi ev 43 ünvanında bir qrup şəxsin dəfələrlə edilən xəbərdarlıqlara baxmayaraq, karantin qaydalarının pozulması ilə müşayiət olunan mərasim keçirməsi barədə Qaradağ Rayon Polis İdarəsinə məlumat verilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, həmin ünvan polis əməkdaşları tərəfindən dərhal nəzarətə götürülüb. Mərasimin təşkilatçısı, qəsəbə sakini Vüsal Tarverdiyev və daha 25 nəfər polis əməkdaşlarının keçirdikləri tədbir zamanı saxlanılıblar. Polis İdarəsində onlarla profilaktiki söhbətlər aparılıb.
Xüsusi karantin rejimi qaydalarını pozan 25 nəfər barəsində inzibati protokollar tərtib olunub və onların hər biri cərimələnib. Məclisin təşkilatçısı V.Tarverdiyev isə məhkəmənin qərarı ilə 10 sutka müddətinə inzibati qaydada həbs edilib.
Bölmənin digər xəbərləri
