Qaxda taxıl istehsalı 7 min tondan çox artıb
Qax, 8 iyul, Mustafa Dadaşov, AZƏRTAC
Qax rayonunun təsərrüfatlarında taxıl biçini kampaniyası başa çatıb. Cari mövsümdə rayonda 14 min 91 hektar sahənin məhsulu biçilib, 45 min 681 ton taxıl istehsal olunub. Hər hektardan orta məhsuldarlıq 32,4 sentner təşkil edib. Taxıl istehsalı əvvəlki illə müqayisədə 7 min 289 ton artıb.
Bu barədə AZƏRTAC-ın bölgə müxbirinə Qax Dövlət Aqrar İnkişaf Mərkəzinin bitkiçilik sektorunun müdiri Eyvaz Aslanov məlumat verib.
Qurum rəsmisi bildirib ki, tədarük edilən taxılın 32 min 263 tonu buğda, 13 min 418 tonu isə arpadır. Buğda zəmilərində hər hektardan orta məhsuldarlıq 32,1 sentner, arpa sahələrində isə 33,1 sentner olub.
Rayon üzrə ən yüksək məhsuldarlıq Qax Aqroparkında qeydə alınıb. Belə ki, builki mövsümdə aqroparkın buğda sahələrinin hər hektarından 40,3 sentner, arpa sahələrindən isə 52,8 sentner məhsul götürülüb.
Bölmənin digər xəbərləri
