Qazaxıstan “OPEC+” ölkələri nazirlərinin videokonfransında iştirak edəcək
Nur-Sultan, 8 aprel, AZƏRTAC
Qazaxıstan “OPEC+” ölkələri nazirlərinin aprelin 9-da keçiriləcək videokonfransında iştirak edəcək.
AZƏRTAC xəbər verir ki, Qazaxıstan tərəfi danışıqlardan sonra müsbət nəticələr əldə edəcəyinə ümid bəsləyir. Qazaxıstan hər zaman “OPEC+” sazişi çərçivəsində öhdəliklərini yerinə yetirməyə çalışır və konstruktiv dialoqa sadiqdir.
Görüşdə qeyri-OPEC ölkələri nazirlərinin iştirakı və yeni “Əməkdaşlıq Bəyannaməsi”nin müzakirəsi nəzərdə tutulur.
Qeyd edək ki, Səudiyyə Ərəbistanı neft bazarında arzu olunan tarazlığı bərpa etmək və ədalətli razılığa gəlmək üçün “OPEC+” və digər dövlətlərin təcili fövqəladə iclasını çağırıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
