Qazaxıstan qeyri-qanuni miqrasiya üzərində nəzarəti gücləndirir
Astana, 2 iyul, AZƏRTAC
Qazaxıstan Prezidenti Kasım-Jomart Tokayevin sədrliyi ilə keçirilən ölkənin Təhlükəsizlik Şurasının iclasında daxili və xarici miqrasiya sahəsində aparıcı tendensiyalar müzakirə olunub.
AZƏRTAC Prezidentin mətbuat xidmətinə istinadla xəbər verir ki, Kasım-Jomart Tokayev iclasda miqrasiya sahəsindəki siyasəti reallaşdırarkən geosiyasi faktor və çağırışların, demoqrafik proqnozların, əhalinin yaşayış yerini dəyişməsinin motivlərinin nəzərə alınmasının vacibliyini vurğulayıb.
Prezident, həmçinin qeyd edib ki, qanunsuz miqrasiyanın qarşısının alınmasına, o cümlədən ölkənin insan kapitalının artırılmasının stimullaşdırılmasına nəzarətin təmin edilməsi mühüm məsələdir.
İclasın sonunda hökumətə konkret tapşırıqlar, o cümlədən dövlət orqanlarının funksionallığına yenidən baxmaq və təhlil etmək, həmçinin miqrasiya sahəsində bütün informasiya sistemlərinin inteqrasiyasının sürətləndirilməsi ilə bağlı göstərişlər verilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
