Qazaxıstanda COVID-19-a 60 yeni yoluxma halı qeydə alınıb
Nur-Sultan, 7 sentyabr, AZƏRTAC
Qazaxıstanda yeni növ koronavirus infeksiyasından ölüm halları təxminən 40 faiz azalıb. Ötən gün Qazaxıstanda koronavirus infeksiyasına daha 60 yoluxma halı qeydə alınıb.
AZƏRTAC xəbər verir ki, Səhiyyə Nazirliyinin məlumatına görə COVID-19 pandemiyası dövründə ölkədə 106 min 361 yoluxma faktı təsdiqlənib.
Son sutkada ölkə üzrə 131 nəfər koronavirus infeksiyasından sağalıb, 7 nəfər həyatını itirib.
Ümumilikdə ölkədə 99 min 654 nəfər koronavirusdan tam sağalıb, 1634 nəfər isə ölüb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
