Qazaxıstanda zəngin qızıl yatağı tapılıb
Astana, 1 sentyabr, AZƏRTAC
Qazaxıstan təbii ehtiyatlar sahəsində mühüm kəşfi açıqlayıb: 38 yeni faydalı qazıntı yatağı, o cümlədən 19 ton qızıl və əhəmiyyətli nadir torpaq metalların ehtiyatları aşkar edilib.
AZƏRTAC Qazaxıstan mətbuatına istinadla xəbər verir ki, “Minerals” jurnalında dərc olunan tədqiqatın nəticələri bu ilin birinci rübündə əldə edilib.
Əsas kəşflərdən biri Astanadan 420 km aralıda, Karaqanda vilayətinin Kuyrıktikol rayonunda yerləşən “Jana-Qazaxıstan” geoloji zonasındakı nadir torpaq elementləri yatağı olub.
Qazaxıstan Sənaye və Tikinti Nazirliyinin qiymətləndirmələrinə görə, Yerin təkində elektromobillərin, külək turbinləri, elektronika və müdafiə texnologiyalarının istehsalı üçün vacib elementlərlə zəngin 20 milyon tondan çox filiz var. Nadir torpaq metallarının orta miqdarı 1 ton üçün təxminən 700 qram olaraq qiymətləndirilir ki, bu da yüksək göstərici hesab edilir.
Məlumatlar tam təsdiq olunarsa, Qazaxıstan nadir torpaq metallarının ehtiyatlarına görə Çin və Braziliyadan sonra dünyada üçüncü yeri tuta bilər.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
