Qəbələ Dövlət Peşə Təhsil Mərkəzində “Açıq qapı” günü keçiriləcək
Bakı, 8 iyun, AZƏRTAC
İyunun 11-də Qəbələ Dövlət Peşə Təhsil Mərkəzi ilə tanışlıq məqsədilə virtual “Açıq qapı” günü təşkil olunacaq.
Peşə Təhsili üzrə Dövlət Agentliyindən AZƏRTAC-a bildirilib ki, onlayn tədbirdə agentliyin İşəgötürənlərlə iş və innovativ layihələr şöbəsinin aparıcı məsləhətçisi Natəvan Ağayeva, Qəbələ Dövlət Peşə Təhsil Mərkəzinin direktoru Qalib Nəbiyev, “Gabala Hospitality Group”un İnsan resursları şöbəsinin müdiri Babək Müzəffərov, “Aspi Aqro” MMC-nin direktoru Cahangir Şəfizadə, “Gilan Dairy Farms” MMC-nin Südçülük kompleksinin rəhbəri Vüsal Abbasov, Kiçik və Orta Biznesin İnkişafı Agentliyi, KOB dostu departamentinin Oğuz-Qəbələ rayonları üzrə nümayəndəsi Ruslan Qarayev, “Qafqaz Riverside” hotelinin baş aşpaz köməkçisi Əli Abbasov iştirak edəcək.
Virtual “Açıq qapı” günündə mərkəzdə tədris prosesinin təşkili, məzunların işlə təminatı, işəgötürənlərlə əməkdaşlıq məsələləri müzakirə olunacaq, İsmayıllı Dövlət Peşə Təhsil Mərkəzinin infrastrukturu ilə tanışlığa imkan yaradılacaq.
Bölmənin digər xəbərləri
