Qeyri-sabit hava şəraiti sentyabrın 12-dək davam edəcək
Bakı, 8 sentyabr, AZƏRTAC
Ölkə ərazisində müşahidə olunan qeyri-sabit hava şəraiti sentyabrın 12-dək davam edəcək.
AZƏRTAC xəbər verir ki, bunu Milli Hidrometeorologiya Xidmətinin Hidrologiya Mərkəzinin direktoru Asif Verdiyev deyib.
Mərkəzin direktoru bildirib ki, Bakıda və Abşeron yarımadasında sentyabrın 9-dan 10-u səhərədək yağış yağacağı gözlənilir: “Yarımadanın bəzi yerlərində yağışın intensiv olacağı ehtimalı var. Şimal-qərb küləyi əsəcək. Sentyabrın 10-da səhər və gündüz yarımadanın bəzi yerlərində küləyin güclənəcəyi proqnozlaşdırılır”.
Bölmənin digər xəbərləri
