QÜDSDƏ ŞOTA RUSTAVELİNİN YEGANƏ TƏSVİRİ MƏHV EDİLMİŞDİR
Qüdsdəki Səlib monastırında böyük gürcü şairi Şota Rustavelinin yeganə təsviri olan nadir freska tamamilə məhv edilmişdir.
Rəvayətə görə, şair ömrünün son illərini burada yaşamışdır. Freska Rustavelinin bu monastırda dəfn olunduğunu təsdiqləyən yeganə sübut idi.
Lakin yazılı mənbələrdə bu barədə heç bir məlumat yoxdur. Yalnız səcdə edən qırmızı əbalı insanın təsviri verilmiş və üzərində qədim gürcü dilində “Rustaveli” yazılmış kiçik freska böyük şairin burada yaşadığını, monastırın günbəzi altında dəfn olunduğunu iddia etməyə imkan verirdi.
Gürcüstanın İsraildəki səfiri Revaz Qaçeçiladze demişdir: “Şifahi məlumatlara görə, Rustaveli ömrünün son günlərini gürcülərin tikdikləri, elə gürcü rahiblərin xidmət göstərdikləri Səlib monastırında keçirmək üçün Qüdsə gəlmişdir”.
Bölmənin digər xəbərləri
