“Real Madrid”in hücumçusu Vinisius Juniordan maraqlı paylaşım
Bakı, 27 yanvar, AZƏRTAC
“Real Madrid”in hücumçusu Vinisius Junior İspaniya Kral Kubokunun dörddəbir final mərhələsi çərçivəsində “Atletiko”ya qarşı matçdan sonra maraqlı paylaşım ilə diqqət çəkib.
AZƏRTAC xəbər verir ki, braziliyalı futbolçu tviter hesabında bu sözləri yazıb: “Madridi təmsil edən yalnız bir klub var. Bunu hamımız bilirik”.
Vinisius bu addımı ötən gün “Atletiko” azarkeşlərinin səsləndirdiyi “Madrid “Real Madrid”ə nifrət edir” şüarına cavab olaraq atıb.
Qeyd edək ki, “Real Madrid” Kral Kuboku matçında “Atletiko”nu 3:1 hesabı ilə məğlub edərək yarımfinala yüksəlib. Vinisius matçda üçüncü qolun müəllifi olub.
Bölmənin digər xəbərləri
