Rəcəb Tayyib Ərdoğan Daxili İşlər nazirinin istefasını qəbul etməyib
Ankara, 13 aprel, AZƏRTAC
Türkiyə Prezidenti Rəcəb Tayyib Ərdoğan Daxili İşlər naziri Süleyman Soylunun istefasını qəbul etməyib.
AZƏRTAC xəbər verir ki, bu barədə Türkiyə Prezident Administrasiyasının İctimai Əlaqələr İdarəsindən məlumat yayılıb. Bildirilir ki, Süleyman Soylu Türkiyə Daxili İşlər naziri vəzifəsində fəaliyyətini davam etdirəcək.
Qeyd edək ki, Süleyman Soylu, istefanın səbəbi ilə bağlı özünün “Twitter” səhifəsində məlumat verib. Buna səbəb, Türkiyədə aprelin 11-də gecə 00.00-dan etibarən qüvvəyə minən iki günlük komendant saatı elan olunandan az sonra bəzi vətəndaşlar toplu şəkildə alış-veriş üçün marketlərə yüyürmələri və baş verən xoşagəlməz hərəkətləri əks etdirən videogörüntülərin yayılması olub. Nazir açılqmasında bu hadisələrə görə məsuliyyət daşıdığını ifadə edib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
