Rehnuma Lizzi Vahab: İşğaldan azad olunmuş ərazilərdə dağıntıları görmək çox dəhşətlidir
Bakı, 15 iyun, AZƏRTAC
Ötən gün işğaldan azad olunmuş ərazilərə səfər etdik. Bu ərazilərdə dağıntıları görəndə həqiqətən çox heyrətləndik. Çünki ABŞ mediasında bu barədə dəqiq məlumatlar verilmir.
AZƏRTAC xəbər verir ki, bunu Plattsburqdakı Yeni Kollec Dövlət Universitetinin vitse-prezidenti Rehnuma Lizzi Vahab jurnalistlərə müsahibəsində deyib.
İşğaldan azad olunmuş ərazilərdə dağıntıları görməkdən son dərəcə dəhşətə gəldiyini ifadə edən qonaq bildirib: “Düşünürəm ki, gənclərin maarifləndirilmələri bu proseslərin tənzimlənməsində uğurlu olacaq. Həmçinin üçtərəfli görüşlərin keçirilməsi də məqsədəuyğun olar. Avropada da bu cür soyqırımı və etnik təmizləmə baş verdiyi üçün bu qəbildən hadisələrə elə də ciddi yanaşmırlar. Bu işlərdə Asiya ölkələrinin və ABŞ-ın ciddi rol oynayacağını düşünürəm”.
Bölmənin digər xəbərləri
