Respublika ərazisində “Piyadalar, diqqətli olun!” şərti adı altında hərəkətin təhlükəsizliyi həftəliyi keçirilmişdir
Bakı, 7 may (AZƏRTAC). Piyadaların vurulması ilə nəticələnən yol-nəqliyyat hadisələrinin qarşısının alınması, hərəkət iştirakçıları, xüsusilə də piyadalar arasında intizamın möhkəmləndirilməsi məqsədi ilə Daxili İşlər Nazirliyinin müvafiq əmrinə uyğun olaraq mayın 1-dən 7-dək respublika ərazisində “Piyadalar, diqqətli olun!” şərti adı altında hərəkətin təhlükəsizliyi həftəliyi keçirilmişdir.
Baş Dövlət Yol Polisi İdarəsinin ictimaiyyətlə əlaqələr şöbəsindən AZƏRTAC-a bildirmişlər ki, bir həftə ərzində xidməti ərazilərdə piyadaların vurulması ilə nəticələn yol-nəqliyyat hadisələrinin səbəbləri araşdırılaraq konkret profilaktiki tədbirlər görülmüşdür. Piyadaların yol hərəkəti qaydalarını pozmasının qarşısını almaq məqsədi ilə müntəzəm reydlər keçirilmişdir. Bu istiqamətdə KİV-də təbliğat daha da gücləndirilmiş, təhsil müəssisələrində və əmək kollektivlərində maarifləndirici görüşlər keçirilmişdir.
Tədbirlər çərçivəsində mayın 1-dən bu günədək Bakı şəhəri ərazisində 38-dən çox piyada saxlanılmışdır. “Yol hərəkəti haqqında” Qanunun tələbini pozan piyadalar yol polisi əməkdaşları tərəfindən İnzibati Xətalar Məcəlləsinin müvafiq maddəsi ilə cərimə olunmuşlar.
Bölmənin digər xəbərləri
