“Roskomnadzor” “Telegram”ın tamamilə bloklanması ilə bağlı məlumatları təsdiq və ya təkzib etməyib
Moskva, 17 fevral, AZƏRTAC
“Roskomnadzor” Rusiyada “Telegram” mesencerinin tamamilə bloklanması ilə bağlı media xəbərlərini nə təsdiq, nə də təkzib edib.
AZƏRTAC xəbər verir ki, bu dövlət agentliyi bundan əvvəl – fevralın 11-də dərc olunmuş məlumata “əlavə edəcək bir şeyinin olmadığını” bildirib. Məlumata görə, platformaya təzyiq Rusiya qanunvericiliyinə əməl edilməməsi, istifadəçilərin şəxsi məlumatlarının kifayət qədər qorunmaması, fırıldaqçılıqla mübarizə tədbirlərinin qeyri-kafi olması, habelə xidmətin cinayət və terror məqsədləri üçün istifadəsi səbəbindən güclənə bilər.
Əvvəllər “Telegram”da olan “Baza” kanalı da daxil olmaqla bir neçə mənbə aprelin 1-dən etibarən mesencerin tamamilə bloklanması ilə bağlı mümkün məlumat vermişdi, lakin bu məlumatın rəsmi təsdiqi yoxdur. Bu arada, “Telegram”ın nümayəndələri bir gündə terrorizm, ekstremizm və fırıldaqçılıqla əlaqəli 200 mindən çox qrup və kanalın bloklandığını və fevralın 1-dən bəri 2 milyondan çox belə resursun bağlandığını bildiriblər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
