RUSİYA GÜRCÜSTAN VƏTƏNDAŞLARINA VİZA VERİLMƏSİ QAYDALARINI SƏRTLƏŞDİRMİŞDİR
AZƏRTAC-ın xüsusi müxbiri xəbər verir ki, Rusiyanın Tbilisidəki fövqəladə və səlahiyyətli səfiri Vladimir Çxikvişvilinin sözlərinə görə, yaxın günlərdə onun ölkəsi Gürcüstan vətəndaşlarına viza verilməsi qaydalarını daha da sərtləşdirmişdir.
V.Çxikvişvili demişdir: “Neçə aydır ki, Gürcüstan tərəfi Rusiya hərbiçilərinə viza vermir, bu məsələ həll edilməmiş qalır. Bütün bunlara baxmayaraq, Rusiya Gürcüstan vətəndaşlarına viza verilməsində problem yaratmamağa çalışır. Biz indiyədək Gürcüstandan Rusiyaya getmək istəyənlərin yalnız 7 faizinə “yox” cavabı vermişik. Halbuki, Gürcüstandan digər ölkələrə səfər etmək niyyətində olanların 40-50 faizinə bu cür cavab verilir”.
Bölmənin digər xəbərləri
