Rusiya Prezidenti Vladimir Putin iyunun 12-13-də Bakıya səfər edəcək
Moskva, 8 iyun, AZƏRTAC
Rusiya Prezidenti Vladimir Putin iyunun 12-13-də Bakıya səfər edəcək, burada bir sıra beynəlxalq görüşlər keçirəcək. Bu barədə Rusiya dövləti başçısının köməkçisi Yuri Uşakov məlumat verib.
Onun sözlərinə görə, V.Putin Azərbaycanın paytaxtında birinci Avropa Oyunlarının açılış mərasimində iştirak edəcək. Onun Beynəlxalq Olimpiya Komitəsinin (BOK) prezidenti Tomas Bax ilə görüşəcəyi də gözlənilir.
Bundan əlavə, Rusiya lideri Türkiyə Prezidenti Rəcəb Tayyib Ərdoğan ilə görüşəcək. Rusiya və Türkiyə liderləri iyunun 8-də telefonla danışaraq, Bakıda görüşüb söhbət etmək imkanını müzakirə ediblər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
