RUSİYA SƏFİRLİYİ AZƏRBAYCAN MƏKTƏBLƏRİNƏ KİTABLAR HƏDİYYƏ ETMİŞDİR
Rusiyanın ölkəmizdəki müvəqqəti işlər vəkili Pyotr Burdıkin mərasimdə bildirmişdir ki, Rusiya Prezidenti Vladimir Putinin 2001-ci ildə Azərbaycana rəsmi səfərindən sonra Azərbaycanda tədrisin rus dilində aparıldığı məktəblərə hər il dərsliklər və ensiklopedik ədəbiyyatla humanitar yardım göstərilməsi barədə qərar qəbul edilmişdi. Ötən il Rusiya və Moskva hökumətləri təxminən 100 min nüsxədən ibarət 300-dən çox adda dərslik və kitab göndərmişdi.
Diplomat bildirmişdir ki, bu il hələlik 40 min nüsxəyə yaxın kitab və dərslik gətirilmişdir.
Təhsil nazirinin müavini İsgəndər İsgəndərov yardıma görə Rusiya hökumətinin rəhbərliyinə təşəkkürünü bildirərək demişdir ki, Azərbaycanda şagirdlər dərsliklərlə tam təmin edilsələr də, tədrisin rus dilində aparıldığı məktəblər üçün yeni dərsliklərin nəşri ilə bağlı daim problemlər yaranır. Hazırda Azərbaycanda 109 minə yaxın məktəbli rus dilində təhsil alır ki, bu da şagirdlərin ümumi sayının 6,7 faizini təşkil edir.
Bölmənin digər xəbərləri
