Rusiya XİN “Marinera” tankerinin ekipajında olan iki Rusiya vətəndaşının azad edildiyini bildirib
Moskva, 9 yanvar, AZƏRTAC
Prezident Donald Tramp Şimali Atlantikada keçirilən əməliyyat zamanı ABŞ tərəfindən əvvəl saxlanılmış “Marinera” tankerinin ekipaj heyətindən olan iki Rusiya vətəndaşının azad edilməsi barədə qərar qəbul edib.
AZƏRTAC xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib. Onun sözlərinə görə, Rusiya tərəfi bu qərarı alqışlayır.
“Biz bu qərarı alqışlayır və ABŞ rəhbərliyinə minnətdarlığımızı bildiririk. Həmvətənlərimizin ən qısa müddətdə vətənə qayıdışının təmin edilməsi ilə bağlı bütün məsələlərin təcili praktiki işlənməsinə başlayırıq”, – deyə Mariya Zaxarova qeyd edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
