RUSİYANIN KONSTİTUSİYA MƏHKƏMƏSİ ADMİRAL KOLÇAKI MÜDAFİƏ ETMİŞDİR
AZƏRTAC-ın İTAR-TASS agentliyindən aldığı xəbərə görə, dekabrın 6-da Rusiyanın Konstitusiya Məhkəməsi 1999-cu ildə admiral Kolçaka bəraət qazandırılmasını rədd etmiş Zabaykalye Hərbi Dairəsi Hərbi Məhkəməsinin hökmünə yenidən baxmağa imkan verən qərar çıxarmışdır. Bunu Konstitusiya Məhkəməsinə sorğu verən Sergey Zuyev bildirmişdir.
O, ağqvardiyaçılar hərəkatının liderlərindən biri, 1920-ci ildə İrkutsk Hərbi İnqilab Komitəsinin qərarı ilə güllələnmiş Aleksandr Kolçak da daxil olmaqla, siyasi repressiya qurbanlarının xatirəsini əbədiləşdirmək məqsədi ilə yaradılmış İctimai Fonda başçılıq edir. S.Zuyev demişdir: “Biz məhkəmə qərarının surətini almışıq. Konstitusiya Məhkəməsi admiral Kolçakı müdafiə etmişdir”.
Bölmənin digər xəbərləri
