Saatlıda karantin qaydalarına zidd olaraq fəaliyyət göstərən trenajor zalı aşkarlanıb
Saatlı,15 dekabr, Aydın Yavərzadə, AZƏRTAC
Saatlı Rayon Polis Şöbəsinin əməkdaşları koronavirus pandemiyasının yayılmasının qarşısının alınması istiqamətində genişmiqyaslı tədbirləri davam etdirirlər.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildiriblər ki, polis əməkdaşları rayon ərazisində trenajor zalının xüsusi karantin rejiminin qaydalarına zidd olaraq fəaliyyət göstərdiyini müəyyənləşdiriblər.
İdman zalına baxış zamanı beş nəfərin qayda pozuntusuna yol verdiyi aşkarlanıb. Həmin şəxslər barəsində İnzibati Xətalar Məcəlləsinin müvafiq maddəsi ilə protokollar tərtib edilib və onlar cərimələniblər.
Bölmənin digər xəbərləri
