Saatlıda taxıl sahəsinin hər hektarından 95 min tondan çox məhsul yığılıb
Saatlı , 7 iyul, Mahir Babayev, AZƏRTAC
Saatlıda taxıl yığımı başa çatıb. Biçinə mütəşəkkil başlayan əkinçilər, qısa müddətdə 22 min 986 hektar sahədə biçin aparıb və 95 min 547.6 ton məhsul tədarük ediblər.
Rayon statistika idarəsindən AZƏRTAC-ın bölgə müxbirinə bildiriblər ki, ötən ilin payızında rayonda cari ilin məhsulu üçün rayonda 22 min 986 hektar sahədə taxıl əkilib. Bunun da 5 min 254.5 hektarını arpa, 17 min 731.5 hektarını isə buğda sahəsi təşkil edib. Məhsul yığımına vaxtında başlayan əkinçilər taxıl sahələrindən 95 min 547.6 ton məhsul toplayaraq biçini başa çatdırıblar. Yığılmış məhsulun 76 min 420.6 tonu buğda, 19 min 127 tonu isə arpa məhsulu olub. Biçin aparılan hər hektardan ümumilikdə 41.6 sentner məhsul götürülüb ki, bu da ötən ildəkindən 0,3 sentner çoxdur.
Bölmənin digər xəbərləri
