Şahbaz Şərif: Hörmüz boğazı açılır, dəniz blokadası ləğv edilir
Bakı, 18 iyun, AZƏRTAC
ABŞ və İran arasında anlaşma memorandumu imzalandıqdan dərhal sonra qüvvəyə minib.
AZƏRTAC xəbərinə görə, Pakistanın Baş naziri Şahbaz Şərif X sosial səhifəsində bu barədə yazıb.
"Anlaşma Memorandumu dərhal qüvvəyə minir və ilk addım olaraq, İran İslam Respublikası dərhal Hörmüz boğazını açacaq və Amerika Birləşmiş Ştatları dərhal dəniz blokadasını ləğv edəcək", - deyə o qeyd edib.
Şahbaz Şərif memorandumun hər iki ölkənin prezidentləri tərəfindən imzalandığını və vasitəçi kimi özü tərəfindən də təsdiqləndiyini bildirib.
Pakistanın baş naziri vurğulayıb ki, bu sazişin hər iki ölkə hökumətlərinin ən yüksək səviyyəsində imzalanması hər iki tərəfin münaqişənin diplomatik yolla həllinə sadiqliyini nümayiş etdirir.
Bölmənin digər xəbərləri
