Sahibkarlar Gününə həsr olunan konfrans keçirilib
Bakı, 26 aprel, AZƏRTAC
Azərbaycanda Qadın Sahibkarlığının İnkişafı Assosiasiyası (AQSİA) Sahibkarlar Gününə həsr olunmuş konfrans keçirib.
AQSİA-dan AZƏRTAC-a bildirilib ki, pandemiya şəraitinə uyğun keçirilən tədbirdə az sayda sahibkar iştirak etsə də, assosiasiyanın üzvləri və bölgələrdəki nümayəndələri vebinar vasitəsilə konfransa qatılıblar. AQSİA-nın İdarə Heyətinin sədri Səkinə Babayeva dövlətin sahibkarlığın inkişafına göstərdiyi diqqət və qayğılardan, uğur və perspektivlərdən bəhs edib.
Sonra çıxış edənlər AQSİA-nın beynəlxalq əməkdaşlığı ilə bağlı, 2020-ci ildə görülən işlərin hesabatı, pandemiya və 44 günlük Vətən müharibəsi dönəmində həyata keçirilən layihələrlə, aksiyalarla bağlı tədbir iştirakçılarına ətraflı məlumat veriblər. Sonda AQSİA-nın inkişafında xidmətlərinə görə fərqlənən sahibkar xanımlara 2020-ci ilin simvolu olan “Xarı Bülbül” medalları təqdim olunub.
Bölmənin digər xəbərləri
