SARAYEVODA “MÜNAQİŞƏLİ VƏZİYYƏTLƏRİN QARŞISININ ALINMASI” MÖVZUSUNDA MƏŞĞƏLƏLƏR KEÇİRİLƏCƏKDİR
Azərbaycan Respublikasının İnsan Hüquqları üzrə Müvəkkili Aparatının əməkdaşları Minir Məmmədov və Jalə Əzizova iyunun 29-dan iyulun 1-dək Bosniya və Hersoqovinanın paytaxtı Sarayevo şəhərində BMT-nin İnsan Hüquqları üzrə Ali Komissarlığı və BMT Sisteminin Əməkdaşlar Kollecinin təşkilatçılığı ilə keçiriləcək məşğələlərdə iştirak edəcəklər.
Ombudsman Aparatından AZƏRTAC-a bildirmişlər ki, “Münaqişəli vəziyyətlərin qarşısının alınması” mövzusuna həsr olunmuş məşğələlərə Cənubi Qafqaz, Mərkəzi Avropa və Şərqi Asiya ölkələrinin insan hüquqları institutlarının təmsilçiləri qatılacaqlar. Tədbirdə iştirakçılara insan hüquqları üzrə müasir biliklər veriləcək, yeni iş keyfiyyətləri aşılanacaq, onlar interaktiv üsullarla fikir mübadiləsi aparacaqlar.
Bölmənin digər xəbərləri
