Səbinə Əzimova ağır atletika üzrə dünya birinciliyində qüvvəsini sınayıb
Bakı, 3 iyun, Nicat Məmmədov, AZƏRTAC
Ficinin paytaxtı Suvada gənclər arasında ağır atletika üzrə dünya çempionatı davam edir.
AZƏRTAC xəbər verir ki, 51 ölkədən 311 atletin (161 oğlan və 150 qız) mübarizə apardığı yarışda Azərbaycan yığma komandasının üzvləri də körpücük üzərinə çıxacaqlar.
İlk olaraq Səbinə Əzimova mübarizəyə qoşulub. Çempionatda 55 kiloqram çəki dərəcəsində yarışan atletimiz toplam 177 kiloqram (78+99) nəticə ilə 8-ci yeri tutub.
Digər təmsilçimiz Əliş Nəzərov (102 kq) iyunun 6-da körpücük üzərinə çıxacaq.
Bölmənin digər xəbərləri
