SƏFƏR BAŞA ÇATMIŞDIR
Azərbaycan Həmkarlar İttifaqları Konfederasiyasının nümayəndə heyəti Belçikaya səfərdən qayıtmışdır. Konfederasiyadan AZƏRTAC-ın müxbirinə bildirmişlər ki, Ümumbelçika Liberal Həmkarlar İttifaqları Konfederasiyasının (ÜLHİK) prezidenti Qay Haaze bu qurumun qurultayı başa çatandan sonra azərbaycanlı həmkarlarını qəbul etmişdir.
O, söhbət zamanı Belçika və Azərbaycan həmkarlar ittifaqları arasında əlaqələrin getdikcə inkişaf etdiyindən məmnun qaldığını, Azərbaycan nümayəndə heyətinə ÜLHİK-in qurultayında fəal iştirakına görə təşəkkürünü bildirmişdir. Belçika tərəfinin maliyyə yardımı ilə ötən ilin noyabrında ”Yeni müstəqil ölkələrin həmkarlar ittifaqlarında gənc liderlərin fəaliyyəti” mövzusunda Bakıda keçirilmiş beynəlxalq konfransın əhəmiyyətindən danişan Q. Haaze demişdir ki, belə tədbirlər üçün yardımlar gələcəkdə də göstəriləcəkdir.
Bölmənin digər xəbərləri
