ŞƏHİDLƏRİN XATİRƏSİNƏ EHTİRAM
X X X
Elə həmin gün Bakı Əyləncə Mərkəzində konfrans öz işinə başlamışdır.
Ümumdünya Gömrük Təşkilatının Avropa regionu üzrə sədr müavini, Macarıstan Gömrük Xidməti və Maliyyə Mühafizəsinin komissarı Yanoş Nacın sədrliyi ilə keçən konfransda əvvəlcə Azərbaycan Prezidentinin iqtisadi məsələlər üzrə köməkçisi Əli Əsədov dövlətimizin başçısı İlham Əliyevin tədbir iştirakçılarına təbrik məktubunu oxudu.
Sonra çıxış edən Azərbaycan Dövlət Gömrük Komitəsinin sədri Kəmaləddin Heydərov dedi ki, konfrans ÜGT-yə üzv olan ölkələrin gömrük xidmətləri və beynəlxalq təşkilatlar arasında əməkdaşlığın inkişafı baxımından mühüm hadisədir və əlaqələrin gələcəkdə daha da genişləndirilməsinə təkan verəcəkdir. Ümummilli liderimiz Heydər Əliyevin müstəqil Azərbaycan dövlətinin qurulması, inkişaf etməsi və dünya dövlətləri arasında öz layiqli yerini tutması naminə həyata keçirdiyi və hazırda Prezident İlham Əliyevin müvəffəqiyyətlə davam etdirdiyi uğurlu daxili və xarici siyasət nəticəsində Azərbaycanın beynəlxalq əlaqələri, dünyanın bir çox ölkələri ilə əməkdaşlığı daha da genişlənir və möhkəmlənir. Dünya gömrük ailəsində layiqli yer tutan Azərbaycan gömrük xidmətinin formalaşması da ümummilli liderimiz Heydər Əliyevin adı ilə bağlıdır. Ötən illərdə bir çox beynəlxalq təşkilatlarla, o cümlədən də Ümumdünya Gömrük Təşkilatına üzv olan ölkələrin gömrük xidmətləri ilə yaradılan işgüzar əlaqələr və bu istiqamətdə görülən məqsədyönlü işlər öz müsbət nəticələrini verməkdədir.
Komitə sədri xatırlatdı ki, beynəlxalq iqtisadi-ticari, mədəni, elmi-texniki əlaqələrin genişləndiyi bir dövrdə Azərbaycan digər ölkələrlə iqtisadiyyatın bütün sahələri üzrə sıx əməkdaşlıq edir. Bu isə regionda gömrük işinin inkişafında baş verən müsbət dəyişikliklər, beynəlxalq ticarətin sadələşdirilməsi və ölkə iqtisadiyyatına xarici sərmayələrin cəlb edilməsi üçün əsas amillərdən biri hesab olunur.
Kəmaləddin Heydərov əmin olduğunu bildirdi ki, konfrans bütövlükdə regionda gömrük işi barəsində daha dəqiq təsəvvür yaradaraq, səmərəli və hərtərəfli konstruktiv əməkdaşlığın yeni formalarının ətraflı müzakirəsi üçün geniş imkanlar açacaqdır.
Konfransın yüksək səviyyədə təşkilinə və keçirilməsinə şərait yaratdıqlarına görə Azərbaycan rəhbərliyinə minnətdarlığını bildirən ÜGT-nin baş katibi Mişel Dane dedi ki, bir sıra məsələlər təxirə salınmadan həllini tapmalıdır. Çünki bunlar taktiki məsələlərin işlənilməsi proqramının əsasını təşkil edir və həmin məsələlər dolğunluğu ilə konfransda açıqlanmalıdır. Təkliflər elə qruplaşdırılmışdır ki, müxtəlif maraqlar korporativ şəkildə təqdim olunsun və nəticələr 2006-cı ilin sonunadək hazır olmalıdır. Bu mənada görüləsi işlər çoxdur. Bu istiqamətdə həm Strategiyaların hazırlanması üzrə komissiyanın, həm də danışıqlara getməli olan hökumətlərin və bizim mövqelərimiz üst-üstə düşməli, hamımız birlikdə səmərəli əməkdaşlıq etməliyik.
Belçika Mərkəzi Gömrük və Aksiz İdarəsinin administratoru Noel Kolpin ÜGT Audit Komitəsinin cari vəziyyəti ilə bağlı fikirlərini açıqladı, Avstriya gömrük xidmətinin baş eksperti Alfred Nepf Avropa İttifaqına Avstriyanın sədrliyi dövründə gömrük prioritetlərinin qısa icmalını təqdim etdi.
İnterpolun icraçı direktoru Jan-Mişel Lubutan çıxışında gömrük və polis orqanları arasında əməkdaşlıq əlaqələrindən danışaraq dedi ki, təmsil etdiyi qurumla ÜGT-nin birgə marağı cinayətkarlığa qarşı mübarizə aparmaq üçün əlaqələrin daha da möhkəmləndirilməsindən ibarətdir.
Konfransda bəzi mövzularda təqdimatlar oldu, Belarus, Litva və Rusiya Federasiyası gömrük xidmətləri rəhbərlərinin keçirdikləri görüşün nəticəsi olaraq protokol imzalandı.
Fevralın 3-də konfrans öz işini davam etdirəcəkdir.
Bölmənin digər xəbərləri
