ŞƏKİDƏ HEYVANDARLIQ MƏHSULLARI İSTEHSALI ARTIB
Şəki Şəhər İcra Hakimiyyətindən AZƏRTAC-ın müxbirinə bildirmişlər ki, 2005-ci ildə kənd təsərrüfatının digər sahələrində olduğu kimi, heyvandarlıqda da dinamik artım müşahidə olunmuşdur. Son statistik məlumatlara görə, hazırda rayonda 72 min 265 baş iribuynuzlu mal-qara və 241 min 516 baş davar bəslənilir. Əvvəlki illə müqayisədə qaramalın sayı 3933 baş, qoyun və keçilərin sayı isə 15 min baş artmışdır.
Hesabat dövründə rayonda ət istehsalı ötən ilin müvafiq dövrünə nisbətən 186 ton, süd istehsalı 606 ton, yumurta istehsalı 240 min ədəd, yun istehsalı isə 8 ton artmışdır.
Hazırda rayonda 110 kənd təsərrüfatı müəssisəsi fəaliyyət göstərir. Onlardan 18-i dövlət, 90-ı qeyri-dövlət, 2-si isə bələdiyyə mülkiyyətinə aiddir.
Bölmənin digər xəbərləri
