ŞƏKİDƏ KONSTİTUSİYA GÜNÜNƏ HƏSR OLUNMUŞ TƏDBİR KEÇİRİLMİŞDİR
Tədbirdə şəhər icra hakimiyyətinin şöbə müdiri Firədun İbrahimov “Konstitusiya Azərbaycanda qanunun hakimiyyətini bərqərar etdi” mövzusunda məruzə etmişdir. Məruzədə müstəqil Azərbaycanın demokratik dəyərlərə əsaslanan Əsas Qanununun qəbul olunmasında ümummilli liderimiz Heydər Əliyevin tarixi xidmətləri ön plana çəkilmiş, yeni Konstitusiyamız beynəlxalq hüquq normalarına uyğun, insan hüquq və azadlıqlarına geniş yer ayıran və dövlətçiliyimizin möhkəmləndirilməsinə xidmət edən mükəmməl normativ-hüquqi sənəd kimi dəyərləndirilmişdir. Məruzədə həmçinin, milli dövlətçiliyimizin formalaşmasında və inkişafında Konstitusiyamızın müstəsna əhəmiyyətindən danışılmış, Ali Qanunumuzun qəbul edilməsindən ötən 10 il ərzində Azərbaycanda demokratik və hüquqi dövlət quruculuğu sahəsində yüksək uğurların qazanıldığı xüsusi vurğulanmışdır.
Məruzədən sonra mədəniyyət işçilərinin hazırladığı geniş ədəbi-bədii kompozisiya nümayiş etdirilmişdir.
Mərasimdə Şəki Şəhər İcra Hakimiyyətinin başçısı Nazim İbrahimov iştirak etmişdir.
Bölmənin digər xəbərləri
