“Şeremetyevo” aeroportunun sahibi aviareyslərin iki ssenari üzrə bərpa edilə biləcəyini deyib
Moskva, 8 aprel, AZƏRTAC
Moskvadakı A.S.Puşkin adına “Şeremetyevo” Beynəlxalq Aeroportunun sahiblərindən biri Aleksandr Ponomarenko Rusiyada beynəlxalq aviareyslərin nə vaxt bərpa olunacağı barədə fikirlərini bölüşüb.
AZƏRTAC xəbər verir ki, “Forbes” jurnalına müsahibəsində A.Ponomarenko hadisələrin iki ssenari üzrə inkişaf edə biləcəyini söyləyib. Birinci, nikbin ssenariyə görə, beynəlxalq reyslər artıq iyul ayında yerinə yetirilməyə başlayaraq ilin sonuna kimi mütəmadi şəkildə bərpa edilə bilər.
İkinci, bədbin ssenari isə beynəlxalq aviareyslərin gələn ilin ortalarında bərpa ediləcəyini nəzərdə tutur. A.Ponomarenko bu halda aeroportun heyətinin ixtisar olunacağını istisna etməyib. O deyib ki, hazırda hava limanının 6 terminalından 3-ü bağlanıb.
Qeyd edək ki, “Şeremetyevo” Rusiyanın ən irihəcmli sərnişin axını olan aeroportudur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
