Sergey Lavrov: Qoşulmama Hərəkatı beynəlxalq problemlərin həllində müsbət rol oynayır
Moskva, 29 avqust, AZƏRTAC
Qoşulmama Hərəkatı beynəlxalq problemlərin həllində müsbət rol oynayır.
AZƏRTAC xəbər verir ki, bu fikri Rusiyanın xarici işlər naziri Sergey Lavrov “Zvezda” telekanalına müsahibəsində bildirib.
Nazir deyib ki, indiki dövrdə çoxqütblü, ədalətli və demokratik dünya düzəninin formalaşmasında Qoşulmama Hərəkatı müsbət potensiala malidir. BMT-də 120 səsə malik Qoşulmama Hərəkatı bu beynəlxalq təşkilatın qərarlarına ciddi təsir göstərə bilir.
Xatırladaq ki, Qoşulmama Hərəkatı heç bir hərbi bloka qoşulmayan 120 dövləti özündə birləşdirir. Azərbaycan Qoşulmama Hərəkatına 2011-ci ildə üzv olub və hazırda təşkilata sədrlik edir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
