SERGEY MİRONOV MDB ÖLKƏLƏRİ ÜÇÜN VAHİD MƏTBU ORQAN YARATMAĞI TƏKLİF EDİR
RF Federal Məclisi Federasiya Şurasının sədri Sergey Mironov MDB ölkələri üçün vahid mətbu orqan yaratmağı təklif edir. İTAR-TASS-dan AZƏRTAC-a verilən məlumata görə, bu məsələyə Qazaxıstan prezidenti Nursultan Nazarbayevlə görüşdə toxunulub. Onun fikrincə, bu mətbu orqan əvvəlcə fevral ayında Moskvada vahid iqtisadi məkan yaradılması təklifini irəli sürmüş dörd ölkə üçün çıxarıla bilər. Mironov bildirmişdir ki, bu mətbu orqan “həmin ölkələrin əhalisini dövlətlərimizdə nə baş verdiyi və sadə adamların necə yaşaması barədə məlumatlandırmalıdır”.
Bölmənin digər xəbərləri
