Simone İnzaqi “İnter” klubunun baş məşqçisi təyin edilib
Bakı, 3 iyun, AZƏRTAC
“Latsio” komandasından ayrılan Simone İnzaqi “İnter” klubunun baş məşqçisi təyin edilib.
AZƏRTAC xəbər verir ki, bu barədə “İnter” klubu məlumat yayıb.
Qırx beş yaşlı mütəxəssislə iki il müddətinə müqavilə imzalanıb. Məşqçi bu vəzifədə mayın 26-da klubdan ayrılan Antonio Konteni əvəzləyəcək.
Son altı mövsümdə Simone İnzaqinin rəhbərlik etdiyi “Latsio” milli çempionatda dördüncü yeri tutub və 2007-ci ildən sonra ilk dəfə Çempionlar Liqasının qrup mərhələsinə yüksəlib.
Bölmənin digər xəbərləri
